ایران کے وزیر خارجہ حسین امیر عبداللہیان جنہوں نے برکس گروپ کے اجلاس کی شرکت کے لیے جنوبی افریقہ کے کیپ ٹاؤن کا دورہ کیا ہے۔ جنوبی افریقہ کی وزیر خارجہ نالدی پاندور کے ساتھ ملاقات کی۔
انہوں نے اس دعوت پر شکریہ ادا کرتے ہوئے امید ظاہر کی کہ ایران اور برکس میں شمولیت میں دلچسپی رکھنے والے دیگر ممالک کی رکنیت کا طریقہ کار جلد از جلد مرکزی اراکین کی جانب سے طے کیا جائے گا۔
بدلتے ہوئے عالمی نظم کا ذکر کرتے ہوئے انہوں نے مزید کہا کہ شنگھائی اور برکس نئے عالم ی نظم میں اہم کردار ادا کر سکتی ہیں۔
انہوں نے نے پریٹوریا میں دونوں ممالک کے مشترکہ اقتصادی کمیشن کے اجلاس کے انعقاد کی منصوبہ بندی کا حوالہ دیتے ہوئے اس ملاقات کو دونوں ممالک کے درمیان تعلقات کی ترقی میں اہم قرار دیا۔
امیر عبداللہیان نے تکنیکی اور انجینئرنگ کے شعبوں میں ایرانی کمپنیوں کی اعلیٰ صلاحیتوں کا ذکر کیا اور دوطرفہ اقتصادی تعاون کو مضبوط بنانے کے لیے ان صلاحیتوں سے فائدہ اٹھانے کے لیے ایران کی تیاری پر زور دیا۔
ایرانی وزیر خارجہ نے دہشت گردی کے خلاف جنگ میں پڑوسی ممالک کی مدد میں اسلامی جمہوریہ ایران کے کامیاب تجربات کا حوالہ دیتے ہوئے مزید کہا کہ اس سلسلے میں ایران اور جنوبی افریقہ کے متعلقہ فریقوں کے درمیان خصوصی مشاورت کا امکان ہے۔
ایرانی وزیر خارجہ نے بھی جنوبی افریقہ کی جانب سے فلسطینی قوم کی حمایت کو بھی سراہا۔
آپ کا تبصرہ